2 лютага 2022 года прайшло пасяджэнне педагагічнага савета

”Сучасныя падыходы ў рабоце з адоранымі і высокаматываванымі школьнікамі“

Былі разгледжаны ключавыя пытынні:

1. Сутнасць паняцця ”адоранасць“, яго асаблівасці.

2. Формы і метады работы на вучэбных і факультатыўных занятках.

3. Алімпіядны рух.

4. Праектна-даследчая дзейнасць.

5. Навучанне дзяцей у сістэме дадатковай адукацыі.

6. ”Як не згубіць адоранага навучэнца?“  - падтрымка адораных і высокаматываваных школьнікаў.

Мэта: стварэнне ўмоў для аналізу паспяховага педагагічнага вопыту і вызначэнне новых падыходаў работы з адоранымі і высокаматываванымі навучэнцамі.

  З асноўным дакладам выступіла намеснік дырэктара па асноўнай дзейнасці Альхімёнак Н.Я., якая прааналізавала дзейнасць педагагічнага калектыву па стварэнні ўмоў для асабістай, сацыяльнай самарэалізацыі і прафесійнага самавызначэння навучэнцаў.

Прадоўжыўся педсавет выступленнем прадстаўнікоў метадычный аб’яднанняў, якія падзяліліся вопытам работы з высокаматываванымі і адоранымі навучэнцамі. Настаўнік рускай мовы і літаратуры Протас І.Ц. акцэнтаваў увагу на рабоце з высокаматываванымі дзецьмі ў пазаўрочнай дзейнасці, настаўнік фізікі Чапулан Ф.Ф. – на формах і метадах работы на вучэбных занятках, настаўнік фізічнай культуры Лось І.У. прадставіў свой вопыт па арганізацыі індывідуальнай работы са школьнікамі, якія маюць пэўныя  дасягненні спартыўнай накіраванасці.

Кіраўнік гуртка Шарыпкін Р.Л. пазнаёміў з арганізацыяй даследчай дзейнасці навучэнцаў на занятках аб’яднання па інтарэсах ”Юныя краязнаўцы“.

 Класны кіраўнік 6-а класа Пачопка А.І. адзначыў ролю класнага кіраўніка ў рабоце з адоранымі і высокаматываванымі навучэнцамі.

Практычная частка педагагічнага савета была прадстаўлена панарамай метадычнага майстэрства настаўнікаў. Быў арганізаваны прагляд і абмеркаванне урыўкаў заняткаў па тэме ”Прымяненне розных форм дыферынцыяцыі і індывідуалізацыі“. Свой вопыт работы прадставілі настаўнік беларускай мовы і літаратуры Баговіч Р.М., настаўнік гісторыі Пачкоўская Л.А., настаўнік хіміі і біялогіі Ільясевіч В.М., настаўнік геаграфіі Спірковіч М.І. і кіраўнік гуртка “Вясёлка творчасці” Барсук А.М.

У выніку канструктыўных дыскусій у ходзе пасяджэння былі выяўлены праблемы і вызначаны шляхі іх рашэння.

Намеснік дырэктара па асноўнай дзейнасці      Альхімёнак Н.Я.