18 красавіка вучні 9-11 класаў наведалі Беларускі дзяржаўны музей гісторыі Вялікай Айчыннай вайны (г.Мінск). Экскурсія пачалася з агляду зброі перыяду Вялікай Айчыннай вайны. Наступныя экспазіцыі музея расказалі вучням пра асноўныя падзеі вайны: абарончыі баі летам 1941 г., акупацыйны рэжым, барацьбу партызан і падпольшчыкаў з захопнікамі, беларускую наступальную аперацыю “Баграціён” летам 1944 г. Завяршылася экскурсія ў Зале Перамогі, якая прысвечана чатыром франтам, што вызвалялі Беларусь і змяшчае на сваіх сценах імёны ўсіх беларусаў, якія атрымалі званне Героя Савецкага Саюза. Дзве гадзіны ў музеі праляцелі незаўважна. Вучні яшчэ раз пераканаліся ў тым, што падзеі Вялікай Айчыннай вайны з’яўляюцца змрочнай і адначасова гераічнай старонкай у гісторыі нашага народа.

Настаўнік гісторыі         Пачкоўская Л.А.