20 мая на базе аздараўленчага лагера «Крынічка» ў Івесі прайшло свята вогнішча піянерскай дружбы,  прысвечанае Году міру і стварэння.

Пачалося яно з урачыстай лінейкі, падчас якой піянераў раёна павіншавала начальнік аддзела па адукацыі райвыканкама Таццяна Гаўрылава і першы сакратар раённай арганізацыі ГА «БРСМ» Дар'я Капшуль.

Праходзіла мерапрыемства на розных пляцоўках: дыялогавая, танцавальная, творчая, інтэлектуальная, музычная і гульнявая.

Пад піянерскія песні і яркае вогнішча прайшла цырымонія ўзнагароджання: граматы і падзякі атрымалі шэсцьдзесят школьнікаў, а таксама лепшыя педагогі-арганізатары.

Расток Паліна, Талкач Аляксей і Аніська Аляксандра былі ўзнагароджаны граматамі за актыўны ўдзел у рэалізацыі піянерскіх праектаў і праграм, падтрымку дзіцячых і моладзевых ініцыятыў Глыбоцкай раённай піянерскай арганізацыі.

Педагог-арганізатар Е.А.Шлык