27 лістапада ў нашай школе прайшла інфармацыйная акцыя «Усё, што трэба ведаць пра ВІЧ», прымеркаваная да Сусветнага дня барацьбы са СНІДам. У акцыі прынялі ўдзел настаўнікі і вучні сярэдняга і старэйшага звяна. У гэты дзень адзінаццатыя класы раздавалі стужачкі і распавядалі, для чаго мы мацуем сабе гэты сімвал барацьбы са СНІДам. Стужачка колеру крыві, згорнутая пяцелькай, з'яўляецца міжнародным сімвалам барацьбы са СНІДам – сімвалам нашай спагады, падтрымкі і надзеі на будучыню без СНІДу. Гэты сімвал неабыякавасці, які заваяваў велізарную папулярнасць ва ўсім свеце. Мэта акцыі – прыцягнуць увагу школьнікаў да праблемы СНІДу, праінфармаваць іх аб шляхах перадачы ВІЧ, заклікаць да талерантнага стаўлення да людзей з ВІЧ.

Педагог-арганізатар                                                                                                                                                                                                                    Е.А.Талкач