Піянерская арганізацыя - адзін з важных складнікаў патрыятычнага выхавання навучэнцаў, бо годныя традыцыі трэба працягваць, напаўняючы іх новым актуальным зместам.

Быць піянерам – гэта асаблівы гонар, але разам з тым і асаблівая адказнасць. Любіць сваю Радзіму, берагчы прыроду, паважаць старэйшых, быць прыкладам для малодшых дзяцей.

У піянерскай дружыне імя Сяргея Цюленіна дзяржаўнай установы адукацыі «Залеская сярэдняя школа Глыбоцкага раёна» 13 верасня ў дзень нараджэння БРПА адбылася цырымонія, прысвечаная прыёму ў піянеры. Вучні 5 і часткова 6 класаў уступілі ў шэрагі піянерскай арганізацыі і, вядома ж, яны стануць гонарам і надзеяй нашай школы!

Мы рады вітаць юных піянераў у нашай вялікай і дружнай сям'і. Жадаем вам радасных падзей, творчасці, запалу і поспеху ва ўсіх вашых справах.

Педагог-арганізатар                                                                                                                                                                                                                   Талкач Е.А.