Штогод 21 лютага ва ўсім свеце адзначаецца Міжнародны дзень роднай мовы. У нашай установе адукацыі гэты дзень пачаўся з лінейкі, на якой вучаніцы адзінаццатага класа Сялевіч Мілана і Самуковіч Вікторыя расказалі аб тых падзеях, якія паслужылі пачаткам святкавання дня роднай мовы ва ўсім свеце. На кожным перапынку працавалі тэматычныя станцыі: ”Загадкавая“, ”Паэтычная“,”Інтэлектуальная“. У фае на інфармацыйным стэндзе была змешчана  сценгазета. Вучні з цікавасцю знаёміліся з артыкуламі: ”Беларускія стравы“,” Назвы вопраткі“, “Беларускія пісьменнікі аб мове “, ”Рускай мове дай разгрузку – размаўляй па-беларуску “. Завяршыўся дзень роднай мовы лінейкай, на якой былі названы самыя актыўныя вучні: Цімафееў Андрэй, 5 клас, Расток Паліна, 8 клас, Аніська Алег, 8 клас, Сялевіч Мілана, 11 клас, Самуковіч Вікторыя, 11 клас.

                                                                              Адкрыццё дня роднай мовы

                                                                      Тэматычная станцыя "Інтэлектуальная"

Настаўнікі беларускай мовы і літаратуры            Грыбун А.М. і Протас І.Ц.