21 лютага – у  дзень роднай мовы. Вучні старэйшых класаў паведамілі пра гісторыю святкавання дня роднай мовы, а потым удзельнікі штогодняга дыстанцыйнага конкурса ”Буслік“ атрымалі прызы і падарункі.

          Наступны дзень аб’яднаў вучняў 6 – 7 класаў  у гульні ”Размаўляем па-беларуску “.Спаборнічалі дзве каманды ”Васількі“ і” Званочкі“. Перамогу атрымала каманда”Васількі“.

          Вельмі зацікавіла вучняў і дарослых выстава”Залацінкі роднай мовы “, на якой былі прадстаўлены рэчы, якімі мы карыстаемся кожны дзень, але, на жаль, не ўсе ведаюць іх назвы на беларускай мове.

          Квэст – гульня ”Мова наша родная “ і інтэрактыўная гульня ”Матчын скарб“ аб’ядналі вучняў старэйшых класаў. Падчас гульні яны пашырылі веды аб нацыянальнай гісторыі, культуры, традыцыях беларусаў.

          У шосты школьны дзень былі падведзены вынікі тыдня і ўзнагароджаны самыя актыўныя ўдзельнікі.  Імі сталі: Радзюш Дзіма, 5 клас, Цімафееў Андрэй, 6 клас, Шатыбелка Валерыя, 6 клас, Шынкевіч Анастасія, 7 клас, Германовіч Іван, 8 клас, Аніська Алег, 9 клас, Талкач Аляксей, 9 клас.

Настаўніца беларускай мовы і літаратуры          Грыбун А.М.